As predicións acertan e O'G3NE representará aos Países Baixos en Kiev
Quince días despois do feche da inscripción para os países participantes en Eurovisión 2017, dous países xa teñen representante: Chipre, do cal xa informabamos o outro día e Países Baixos, cuxas representantes coñecemos hoxe. A televisión pública do país (AVROTROS) confirmou ao trío O'GN3E como abandeiradas da bandeira holandesa na vindeira edición do festival máis seguido de Europa. O trío de cantantes subiráse ao escenario de Kiev cando se cumplen dez anos da súa participación en Eurovisión Junior, momento dende o cal a súa popularidade aumentou no país.
Amy, Lisa e Shelley, formantes do grupo, naceron en Drodecht (Holanda) en 1994 e 1995, respectivamente. A súa carreira está marcada pola súa participación na edición junior de Eurovisión, onde obtiveron a undécima posición, algo que non impediría a súa fichaxe por unha discográfica, coa que chegarían a publicar dous traballos musicais. Máis recentemente participaron na edición holandesa de "The Voice", que as levou á fama e a publicar ata catro singles. O pasado 30 de setembro, publicaron "We got this", un traballo que acadou a primeira posición de ventas no seu país.
O trío OG'N3E sucederá así a Douwe Bob, representante do país en Estocolmo, na lista de representantes holandeses no concurso e intenterán levar ao país ao máis alto do ranking eurovisivo.
