Hovig representará a Chipre en Kiev
A 21 de Outubro, sen contar aínda coa lista definitiva de países participantes, xa sabemos o nome dun dos artistas que se subirán ao escenario do Festival de Eurovisión 2017.
Trátase de Hovig, que foi confirmado hoxe coma representante de Chipre no evento. Xoven e de orixe armenio, Hovig viviu dende ben pequeno na illa mediterránea, onde acadou a fama tralo seu paso polo coñecido programa "The X factor".
Ademais, intentou representar ao país no festival europeo en dúas ocasións (en 2010 e 2015). 35 anos despois do seu debut, Chipre intentará así, por que non, gañar o concurso musical máis popular de Europa.